Kryeministri Boris Johnson mbajti sot konferencën për shtyp, ndërsa Anglia përgatitet nga nesër të lehtësojë disa masa bllokimi. Por çfarë mësuam? Këtu ka një përmbledhje:
Koronavirusi është akoma me ne, ndërsa kalojmë në grupin tjetër të ndryshimeve, tha kryeministri, i cili theksoi: “Ne nuk jemi akoma jashtë vështirësisë”.
Ai tha se nesër shënohet hapi më i madh në rrugën e rimëkëmbjes dhe u bëri thirrje njerëzve që të mos heqin dorë nga “bizneset dhe punëtorët që kanë bërë kaq shumë për të na përgatitur për këtë normalitet të ri”.
Ndërsa, bllokimi lehtësohet në Angli nesër, njerëzit duhet të presin që bllokimet lokale “të shënjestruara” të rimodifikohen – si ai aktualisht në Leicester – ku ka pikëza në numrin e rasteve të virusit.
Javën e ardhshme – tha Johnson, do të përcaktohet një orar për rihapjen e bizneseve të tjera, – përfshirë industrinë e artit dhe ngjarjeve, palestrat e mbyllura dhe sallonet e thonjve.
Ai tha se qeveritë në Skoci dhe Uells po shkojnë në “të njëjtin drejtim” si Anglia, por mbase me “shpejtësi paksa të ndryshme”.
Prof Chris Whitty, këshilltari kryesor mjekësor, paralajmëroi se është e mundur një valë e dytë dhe rreziku do të “ekzistojë me ne për një kohë shumë të gjatë”, pasi ai i nxiti njerëzit t’i përmbahen rregullave. Nuk ka asnjë “hap tjetër” pa rrezik” – shtoi ai.
Kryeministri Johnson tha se njerëzit duhet të ndjehen të sigurt për t’u kënaqur këtë verë – por duhet ta bëjnë këtë “në një mënyrë të përgjegjshme”./BBC
