Vendimi i Mbretërisë së Bashkuar për të vendosur sërish masa karantine 14-ditore për njerëzit që udhëtojnë nga Spanja ka vazhduar të dominojë median në Britani.
Vendimi u mor të shtunën dhe Ministri i Shëndetësisë Helen Whately tha që qeveria kishte lëvizur “me shpejtësi dhe vendosmëri” – ndërsa Partia Laburiste ka bërë thirrje për mbështetje për ata që detyrohen të karantinohen.
Pas vendimit, drejtori i Tui, Andrew Flintham i ka bërë thirrje qeverisë të mos vendosë “karantinë” për vendet, pasi kompania e tij anuloi të gjitha pushimet në Spanjë deri në 9 gusht.
Linja ajrore Ryanair ka thënë se do të vazhdojë udhëtimet për në Spanjë pavarësisht karantinës.
Diku tjetër në Mbretërinë e Bashkuar:
Analistët kanë paralajmëruar se ekonomia e Mbretërisë së Bashkuar mund të mos shërohet nga pandemia deri në vitin 2024. EY Article Club parashikon që papunësia do të rritet në 9%, ndërsa ekonomia mund të tkurret me 11.5%.
Janë rikthyer studentët e parë në University of Nottingham, sipas të cilëve tashmë duket ndryshe.
Në Uells, janë rihapur sallonet e bukurisë dhe atelietë e tatuazheve, për herë të parë që nga fillimi i bllokimit./BBC
