Laboratorët francezë ”Sanofi” dhe ai britanik GSK premtuan se do të furnizojnë qeverinë britanike me 60 milionë doza të vaksinës së tyre kundër COVID-19, në sfondin e konkurrencës globale për të marrë në dorë dozat e çmuara.
”Kjo marrëveshje u arrit në varësi të nënshkrimit të një kontrate përfundimtare”, theksojnë ”Sanofi” dhe GSK në një komunikatë.
Dy grupet, që sigurojnë se vaksina e tyre mund të autorizohet që prej gjashtëmujorit të parë të vitit 2021, theksojnë në një komunikatë se diskutime aktive po vazhdojnë me Komisionin Europian, me Francën dhe Italinë në ekipin e negociatave dhe qeveritë e tjera për të garantuar një akses botëror të produktit të tyre.
“Nuk ka asnjë garanci të gjesh për një ditë një vaksinë kundër një koronavirusi”, theksoi ministri britanik i Sipësmarrjes, Alok Sharma, i cituar në komunikatë.
“Sidoqoftë është e rëndësishme që ne të marrin një akses të shpejtë të vaksinës”, shton ai.
Kjo është marrëveshja e katërt për Britaninë e Madhe, pas atyre me ”AstraZeneca”, ”Valneva” dhe asaj me ”BioNTech/Pfizer”.
Vendi ka siguruar në total 250 milionë doza vaksinash.
