Cristiano Ronaldo është në listën e largimeve te Juventusi. Klubi italian synon t’i ulë pagat e larta, pasi është goditur financiarisht nga pandemia COVID-19.
Lajmin e largimit të Ronaldos nga “Zonja e Vjetër” e ka dhënë gazetari i njohur spanjoll, Guillem Balague.
Sipas tij, 35-vjeçari u është ofruar shumë klubeve evropiane, në mesin e të cilave edhe Barcelonës.
“Juventus dëshiron të heqë qafe pagën e tij. Ronaldo u është ofruar shumë klubeve, përfshirë edhe Barcelonës”, ka deklaruar Balague.
Në sezonin e fundit Ronaldo ishte golashënuesi më i mirë i Juventusit, me 35 gola në të gjitha garat.
