Bayerni e ka nisur në mënyrë impresive mbrojtjen e titullit të kampionit në Bundesligë.
Në ndeshjen e parë të edicionit të ri të kampionatit gjerman, Bayerni fitoi 8:0 ndaj Schalkes, të premten mbrëma. Serge Gnabry realizoi tri gola, ndërsa Leon Goretzka, Robert Lewandowski, Thomas Mueller, Leroy Sane e Jamal Musiala kontribuan me nga një gol.
Bayerni që në start ka dëshmuar se mund të jetë sërish pa konkurrencë në Bundesligë dhe se jo rastësisht ka fituar të gjithë trofetë e edicionit të kaluar, duke përfshirë Ligën e Kampionëve.
