Pasi Presidenti Hashim Thaçi njoftoi dorëheqjen, ka ardhur reagimi mbështetës i homolohut të tij, Ilir Meta.
Meta shkruan në Facebook se vlerëson aktin e Thaçit, Veselit dhe të tjerëve që dhanë dorëheqjen për tu përballur me akuzat në Hagë, ndërkohë që tha se ishte i bindur në pafajësinë e tyre.
Postimi i plotë i Ilir Metës:
Lufta e Ushtrisë Çlirimtare të Kosovës ka qenë e drejtë dhe heroike.
Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e Tij e të gjithë bashkëluftëtarëve, sikundër është konfirmuar edhe në të kaluarën.
Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar.