Kryeministri, Edi Rama, e shfrytëzoi seancën plenare për diskutimin e projekbuxhetit për 2021 për tu kthyer përgjigje edhe akzuave të opozitës për shëndetësinë falas.
Rama pranoi që objektivi nuk është arritur dhe kjo është një nga arsyet, sipas tij, se pse shqiptarët do të duhet ti besojnë një mandat të tretë PS.
Deklarata e Ramës:
Ne bëjmë atë që themi dhe themi atë që bëjmë. Nuk flasim në ajër për të kapur çfarë të kapim, një votë këtu dhe një votë atje. Flasim për një vizion që e zbatojmë me fakte. Dhe ky buxhet ësHtë një fakt, nuk ëhstë një program dëshirash. Nuk i kemi bërë të tëra ato që kemi thënë por kjo nuk do të thotë që nuk do ti bëjmë. Më thonë ke thënë shëndetësia falas, ku është? Shëndetësia falas nuk është si heqja e taksës, e thamë sot dhe e hoqëm nesër. Shëndetësia falas është një vizion dhe projekt i madh, drejt shëndetësisë falas janë hedhur hapa gjatë gjithë kësaj kohe.E dini ju sa shqiptarë që deri dje nuk figuronin asgjëkundi sot rimbursohen për ilaçet e tyre, 600 mijë shqiptarë që nuk kanë mundur në vite të sigurohen nga pikëpamja shëndetësore rimbursohen si të tjerët.Kapacitetet rimbursuese ka shkuar 110 mln dollarë në vit, paguan sot qeveria shqiptare për ilaçet e shqiptarëve. 10% taksonit një kokërr aspirinë ju. Nuk ekziston më ajo. E dini sa paketa falas ka në shërbimin shëndetësor sot që nga paketa për sytë, operacione dhe kura të posaçme, shkoni dhe shikojini sa janë. Natyrisht që nuk është e gjitha dhe pse nuk është e gjitha e duam mandatin e tretë dhe pse vertëm ne mund ta bëjmë të gjithën do të na e japin ne mandatin e tretë, nuk do t’ua japin juve dhe as atyre që janë jashtë. Nuk kanë çfarë ju japin, edhe ajo ju duhet, t’u japin votën dhe tu sillni Monikën bashkë me Ilirin në dasmë ju, nuk vini dhe vetëm, doni të vini bashkë me të tjerë. Buxheti ka brenda dhe një fakt tjetër, karburanti për bujqësinë nuk do të ketë më asnjë ngarkesë fiskale. Të gjithë ngarkesën fiskale që ka sot karburanti do ta kthejmë në karburant dhe jo rimbursim. Kjo do të bëjë që çmimi për ta të bjerë.Tjetër fakt është se përtej rritjes së pagave për bluzat e bardha ky buxhet përbën dhe angazhimin më të madh financiar të një qeveri në 30 vjet për sistemin shëndetësor.
