Ndërkohë që në Tiranë priten sërish sot protesta, Policia ka ngritur postblloqe në disa akse rrugore me qëllim parandalimin e veprimtarive kriminale apo edhe identifikimin e personave problematike.
Sipas News24, postblloqe janë ngritur në aksin rrugor Fushë Krujë-Tiranë dhe Fushë Krujë-Rinas-Vorë.
Mësohet se po ushtrohen kontrolle në automjete, në të cilat udhëtojnë djem të rinj, por edhe furgonë dhe autobusë, që transportojnë pasagjerë.
Prej 5 ditësh në Tiranë, por edhe në qytete të tjera janë zhvilluar protesta për vrasjen e Klodian Rashës nga efektivi i policisë Nevaldo Hajdaraj.
