Arbër Zeneli ka zhvilluar një ndeshje të mirë me Reims kundër Bordeaux.
Skuadra e tij në fund fitoi 3-1 dhe në të dy golat e parë pati gisht Zeneli.
Ai fillimisht asistoi te goli i parë, derisa ishte edhe njeriu kryesor edhe te goli i dytë, që i shënuan Yunis Abdelhamid dhe Boulaye Diam, raporton Gazeta Express.
Në fund, ai zuri vend në mesin e më të mirëve të ndeshjes.
Zeneli u vlerësua me notën 7.2, i treti më i mirë në këtë ndeshje, i dyti për skuadrën e Reims.
Titullar ishte edhe Valon Berisha, u vlerësua me notën 6.7.
