Kryeministri Edi Rama ka njoftuar dakordësimin e qeverisë shqiptare për tekstin e marrëveshjes së Pfizer për sigurimin e vaksinës anticovid.
Sipas Ramës, vaksinimi i popullit shqiptar për Covid-19 nis në janar.
Rama ka dënuar gjithashtu edhe diferencimin e BE ndaj Ballkanit në lidhje me këtë çështje.
”Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!
I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza!”, shkruan Rama në Twitter.
