Sekretari i shtetit i SHBA-së, Antony Blinken paralajmëroi Kinën se Uashingtoni do ta konsideronte Pekinin “përgjegjës për abuzimet e tij”, në bisedën e parë midis dy vendeve që nga koha kur Joe Biden u bë president.
Pas një telefonate me Yang Jiechi, zyrtarin më të lartë të politikës së jashtme të Kinës, Blinken tha se i kishte thënë homologut të tij se administrata e Biden do të ngrihej mbi vlerat demokratike duke kërkuar llogari nga Pekini.
“E bëra të qartë që SHBA-ja do të mbrojë interesat tona kombëtare, do të qëndrojë për vlerat tona demokratike dhe do ta bëjë Pekinin përgjegjës për abuzimet e tij me sistemin ndërkombëtar”, tha Blinken të premten në mbrëmje në Uashington, raportojnë mediat ndërkombëtare.
Blinken kritikon Yangun veçanërisht për rajonet Xinjiang, Tibet dhe Hong Kong. Ai gjithashtu e nxiti Pekinin të dënojë grusht-shtetin ushtarak në Birmani.
Mirëpo, Pekini zyrtar kërkoi nga SHBA-ja të mos ndërhynte në rajonet Xinjiang, Tibet dhe Hong Kong, derisa bëri thirrje për një zgjidhe konstruktive në Azinë Paqësore.