Në RTV Ora, deputetja demokrate Flutura Açka u shpreh se sjellja e ministrisë së Brendshme ka një eskalim në qeverisjen socialiste.
Ajo tha se nuk beson se ka një kurbë më të trishtuar për kombin shqiptar me ministrinë e Brendshme, pasi gjëja më e rëndë është sipas saj zvetënimi i figurës së policit.
Açka: Sjellja e ministrisë së Brendshme ka një eskalim në qeverisjen socialiste. Tahiri kanabizoi gjithë Shqipërinë, kalojmë te droga e Xhafës dhe te dhuna e gazi lotsjellës i Lleshajt, që u duket populli dhe opozita si armik. Kalojmë pastaj te vjedhja dhe deformimi i zgjedhjeve.
Nuk besoj se ka një kurbë më të trishtuar për kombin shqiptar me ministrinë e Brendshme. Gjëja më e rëndë është zvetënimi i figurës së policit. Ai është njeriu i parë me të cilin konfrontohet qytetari, por kjo figurë është denigruar.
