Anglia pritet të lehtësojë ose heqë rregullat anticovid që aplikon prej 16 muajsh, duke qenë e sigurt te vaksinimi i popullsisë.
Kryeministri Boris Johnson tha se masave do u vijë fund më 19 korrik.
Nuk do ketë më kufij për pjesëmarrjet në martesa apo funerale, në bar-restorante, në klubet e natës, për vizitorët familjarë dhe autoritetet lokale nuk do të kenë më kompetencën t’i detyrojnë masat.
Për shkollat, udhëtimet dhe vetizolimin për ata që janë vaksinuar dhe kanë pasur kontakte me persona të infektuar, do të vendoset së shpejti.
“Nuk do duhet më që qeveria të udhëzojë njerëzit të punojnë nga shtëpia. Nuk do të kërkohet një certifikatë kovidi në asnjë event, megjithëse kjo do u takojë bizneseve,” tha Johnson
Rreth 86 për qind e të rriturve në Britani kanë marrë të paktën një dozë të vaksinës antikovid, dhe 63 për qind janë imunizuar plotësisht.
Vendi pritej të hiqte kufizimet që muajin e kaluar por përhapja e variantit Delta të koronavirusit e shtyu vendimin dhe kryeministri Xhonson pranoi se rastet pozitive do të shtohen gjatë muajit, e bashkë me to edhe bilanci i vdekjeve.
“Megjithatë, nëse nuk veprojmë tani me heqjen e masave, kur kemi bërë kaq shumë me vaksinat, rrezikojmë hapjen e vendit në një kohë më të vështirë, kur virusi është në avantazh, në muajt e ftohtë ose ta shtyjmë për vitin tjetër,” tha Johnson.
Të hënën, Britania raportoi mbi 27 mijë raste të reja infeksioni me kovidin-19, ndërkohë që vendi kryeson në Europë për bilancin tragjik me 128 mijë jetë të humbura.
