Një grup arkeologësh nga një universitet turk, pretendojnë se kanë bërë një zbulim Krishtlindjesh, duke gjetur vendin e parë të prehjes së të vetmit Babagjysh.
Lajmi i keq është se, ndonëse gjithçka tregon se ai ishte një person i vërtetë, ai nuk kishte të bënte fare me atë që kemi në mendje. Domethënë, me figurën me rroba të kuqe dhe të bardha.
Në fakt, Babagjyshi bazohet në figurën e Shën Nikollës së Mirës, një peshkop i krishterë i shekullit të 4-të, i njohur për bujarinë dhe mbrojtjen e tij ndaj fëmijëve dhe të varfërve.
Tani, arkeologët besojnë se kanë zbuluar vendin e varrit origjinal të Shën Nikollës , dhe duket se ndodhet në Turqi .
Profesoresha e asociuar Ebru Fatma Findik nga Universiteti Hatay Mustafa Kemal po drejton punën që zbuloi një sarkofag në aneksin dykatësh të Kishës së Shën Nikollës, i cili besohet të jetë vendi i fundit i prehjes së Shenjtit.
” Shpresa jonë më e madhe është të gjejmë një mbishkrim në sarkofag “, tha Findik për Turkiye Today. “Kjo do të ndihmonte në sqarimin e përmbajtjes së varrit dhe do të na lejonte të përcaktonim periudhën e saktë nga e cila vjen.”
” Fakti që gjetëm një sarkofag pranë kishës, ku mendohet se ndodhet varri i tij, mund të sugjerojë se ky është me të vërtetë vendi i shenjtë që po kërkonim “, përfundoi ajo.
Shën Nikolla nuk lidhet vetëm me Krishtlindjet , pasi ai është gjithashtu shenjti mbrojtës i prodhuesve të birrës, eremitëve, marinarëve, tregtarëve, hajdutëve të penduar, harkëtarëve dhe sigurisht, prodhuesve të lodrave.
