Sulmuesi shqiptar, Armando Broja ka vazhduar përsëri me gola në Ligën Premier me skuadrën e tij, Southampton.
Southampton ka arritur të rikthehet në ndeshjen ndaj Burnley, duke shënuar dy gola pas disavantazhit 0-1 në ndeshjen e javës së nëntë në Ligën Premier.
Ekipi nga St Marys arriti të barazoj në pjesën e parë me anë të Valentino Livramento (42’) për 1-1, ndërsa në pjesën e dytë shpejt gjeti golin e epërsisë.
Kësaj radhe ishte sulmuesi shqiptar, Armando Broja, i cili po vazhdon shkëlqimin e çmendur në Ligën Premier.
Pasi shënoi javën e fundit dhe ia solli fitoren 1-0 ndaj Leeds Unitedit, sulmuesi shqiptar po tregohet vendimtar edhe në ndeshjen ndaj Burnley.
Broja ishte i saktë duke shënuar gol të bukur në minutën e 50-të për 2-1 pas asistimit të Ibrahima Diallo.
Festa e shqiptarit ishte e veçantë, pasi festoi duke bërë simbolin e shqiponjës me duar.
