Ambasadori i SHBA-së në Kosovë, Jeff Hovenier, ka njoftuar se ka mirëpritur në Kosovë senatorët Chris Murphy, Thom Tillis dhe Jeanne Shaheen.
Ai përmes një postimi në Twitter ka thënë se të tre senatorët janë avokues të vjetër për pavarësinë, sovranitetin dhe integrimin euroatlantik të Kosovës.
Vizita e tyre në Kosovë vjen pas qëndrimit të tyre për vizitë zyrtare në Bosnjë e Hercegovinë dhe Serbi, ndërkohë që pritet të takohen me krerët shtetëror.
Senatori, Chris Murphy nëpërmjet një shkrimi të tij në Twitter më 19 prill ka thënë se kanë nisur këto vizita për të forcuar lidhjet e SHBA-së me Ballkanin, përballë përpjekjeve ruse për të minuar paqen.
