Armenia e Azerbajxhani kanë akuzuar njëra-tjetrën të martën për sulme në territoret e njëra-tjetrës dhe kanë refuzuar presionin për të mbajtur bisedime paqe, ndërsa konflikti i tyre për enklavën e Nagorno-Karabakh rrezikon të kthehet në luftë totale, shkruan agjencia Reuters.
Të dy kanë fajësuar për sulme në territoret e ndërsjella.
Incidentet kanë sinjalizuar një eskalim të mëtutjeshëm të konfliktit, që nisi të dielën në Nagorno-Karabakh, që gjendet në Azerbajxhan por udhëhiqet nga armenët.
Presidenti i Azerbajxhanit, Ilham Aliyev, duke folur për një televizion rus ka hedhur poshtë mundësitë për të biseduar. Kryeministri i Armenisë, Nikol Pashinyan, i ka thënë kanalit të njëjtë, se bisedimet nuk mund të mbahen ndërsa luftimet po vazhdojnë.
