Deputeti demokrat Luan Baçi, ka komentuar Kuvendin Kombëtar, ku u vendos dhe shkarkimit të Kryedemokratit Lulzim Basha.
Në një intervistë për Ora News, Baçi tha se ishte një ditë historike, ndërsa ka shtuar se Kuvendi i ditës së sotme ishte një leksion demokracie jo vetëm për PD por për të gjithë partitë politike.
“Ishte do të historike për Partinë Demokratike të Shqipërisë. Për herë të parë mblidhet një Kuvend I jashtëzakonshëm që e thirret nga anëtarësia. Nga ana e transparencës dhe mënyrës së si u procedua ishte një leksion demokracie për të gjitha partitë Demokratike dhe jo vetëm, por edhe për të gjitha partitë politike. Moti nuk i pengoi delegatët të ishin pjestarë të këtij Kuvendi. Kuvendi rezultoi mëse i suksesshëm, jo vetëm që realizoi pritshmëritë tona por i tejkaloi ato. Kjo jo si rezultat i atyre që e organizuan por kjo ishte për meritë të demokratëve që ishin të përgjegjshëm. Jam i surprizuar nga mënyra se si e menaxhuan delegatët këtë Kuvend të jashtëzakonshme”, tha Baçi.
Ndër të tjera ai tha se pas vendimit që mori sot Kuvendi Basha nuk është më kryetar i PD dhe sipas tij ky i fundit nuk ka fuqi të marrë më asnjë vendim.
“Kuvendi është organi më i lartë i PD dhe si i tillë, Kuvendi është vendimarrës dhe çdo vendimarrje e Kuvendit është e detyrueshme për zbatim, dhe nuk vihet në diskutim aq më tepër nga kryetari i forcës politike. Kuvendi u thirr në bazë të statutit. Nga moment i sotëm që ky Kuvend ka mbyllur punimet Lulzim Basha nuk është më kryetar i PD dhe duke mos qenë kryetar i PD nuk ka tagër dhe nuk ka fuqi të marrë asnjë vendim. Nuk ka fuqi të mbledhë një kryesi që është e shkarkuar nga Kuvendi. Statuti që u miratu hyri në fuqi, Kuvendi mori vendimet përkatëse.
Kuvendi Idatës 18 është nul dhe nuk mund të mblidhet. Nuk ka mundësi që të mblidhet Kuvendi i datës 18. Kemi 7600 delegatë që përmban Kuvendi i PD, në këta 4934 delegatë morën pjesë në Kuvendin e sotëm, dhe duke marrë parasysh që rreth 1500 që janë të larguar nga vendi, i bie që janë një pjesë shumë e vogël, që mund të jenë 1300 delegatë. Me kaq nuk mund të mblidhet Kuvendi“, tha Baçi.
