Enis Bardhi ishte i pandalshëm të enjten mbrëma në La Ligan spanjolle. Reprezentuesi i Maqedonisë së Veriut, Bardhi, shënoi dy gola në fitoren 3:2 të Levantes ndaj Celta Vigos. Ndeshja i takoi xhiros së 37-të, të kampionatit spanjoll. Një xhiro para fundit Levante renditet e 12-ta me 46 pikë.
Bardhi shënoi për 1:0 në minutën e 11-të. Në minutën e 28-të shënoi golin e dytë. Më pas Celta Vigo barazoi shifrat, kurse Mayoral realizoi golin e fitores. Bardhi ka arritur në shifrën e shtatë golave këtë edicion. Për të ishte ndeshja e 100-të me Levanten.
