Kryetari i Parisë Demokratike (PD), Lulzim Basha në një intervistë ekskluzive për televizionin Alb Uk, ka folur për protestën e opozitës që do të mbahet më 16 shkurt dhe arsye e kësaj proteste, është gjendja e vështirë në të cilën po kalojnë të gjitha shtresat e shoqërisë shqiptare, duke filluar nga pensionistët, studentët dhe punëtorët që paguhen pak.
“E shoh se qytetarët janë të vendosur të vinë në këtë protestë, jo thjeshtë se vetëm e ka thirru opozita, por sepse besojnë që duhet të jenë bashkë, për të ndryshuar vendin. Është një protestë për të nisur një ndryshim të madh”, tha Basha.
Ai ka shtuar se arsye e protestës, është sepse më kështu nuk mund të vazhdojë, pasi të gjithë qytetarët i kanë arsyet e veta për të protestuar, duke veçuar pensionet e ulëta për pensionistët, gjendjen e keqe të studentëve dhe pagat e vola që marrin punëtorët.
Ai pohoi se mbi 200 mijë shqiptarë hanë bukë vetëm një herë në ditë, ndërsa shtoi se shëndetësia është në kolaps total, duke munguar edhe barnat elementare.
Për ballë kësaj gjendje të vështirë që kalon Shqipëria, Basha tha se “biznesmenët e lidhur me kryeministrin, fitojnë tender deri në 20 milionë euro kilometrin”.
Ai po ashtu ka thënë se organet kryesore të drejtësisë, kryesohen nga njerëz që kanë bërë shërbime ndaj kësaj qeverie.
Basha si shembull të mirë ka veçuar të rinjtë shqiptarë në Britani ku jetojnë dhe në tërësi shqiptarët në Britani, ndera premtoi se me qeverisjen e demokratëve do të krijojnë mundësi për të rinjtë në Shqipëri, duke potencuar si qëllime kryesore të tyre zhvillimin ekonomik dhe luftën kundër varfërisë.
Për më shumë dëgjoheni intervistën e plotë të Zotit Basha të dhënë për Alb Uk Tv:
