E vërteta pas një baze sekrete ushtarake amerikane të ndërtuar akullnajat e Groenlandws në vitet 1960 është zbuluar. Camp Century, i ndodhur tani 30 metra poshtë sipërfaqes së akullit, ishte një arritje e inxhinierisë amerikane dhe kishte një reaktor atomik. Baza ishte planifikuar të ishte baza ushtarake e parë në botë e fuqizuar me energji atomike, sipas National Geographic.
Por kjo bazë kishte më shumë se kaq, dhe disa aktivitete ishin sekrete edhe për qeverinë daneze që kontrollon Groenlandwn. Projekti “Iceworm” ishte një projekt sekret i Shteteve të Bashkuara që planifikonte të kthente Camp Century në një bazë raketash balistike, sipas dokumenteve të deklasifikuara. Groenlanda ishte vendi ideal për këtë projekt pasi ishte i vështirë për t’u sulmuar, ndodhej afër Rusisë, shkruan A2 CNN.
Ushtarët kishin për qëllim të strehoheshin 600 raketa me kokë bërthamore në dy milje tunelesh nën tokë, të cilat mund të drejtoheshin ndaj Bashkimit Sovjetik. Askush nuk dyshonte për raketat në këtë bazë deri në vitin 1968, kur një avion amerikan që transportonte bomba bërthamore u rrëzua dhe një hetim i aktiviteteve amerikane në vend u nis.
Projekti për të zhvendosur raketat nëpër tunele mijëra milje u bë gjithashtu shumë i vështirë për t’u mbajtur. Temperaturat në sipërfaqe mund të arrinin deri në -70 gradë, dhe dimri përfshinte 24 orë errësirë. Jetesa në tunel ishte e vështirë, pasi ushtarët duhej të përdornin sharrat për të prerë akullin që po shtohej vazhdimisht, duke kërcënuar gjithçka brenda.
Camp Century nuk e kaloi asnjë dekadë dhe tani ka mbetur një vend i harruar, me rëndësinë e tij të vërtetë të mbyllur pas dokumenteve të klasifikuara. Një vit më parë, shkencëtari i NASA-s, Chad Greene, zbuloi këtë bazë të shkretuar ndërsa fluturonte mbi akullnajën e madhe, ku radarët e avancuar zbuluan strukturat që i përkasin bazës.
