Një Rusi ka nisur të transmetohet masivisht një reklamë që nxit qytetarët që t’i bashkohen ushtrisë.
Spoti nxitës po transmetohet në një kohë kur forcat e armatosura ruse po pësojnë humbje të konsiderueshme dhe nuk po ia dalin të bëjnë progres në Ukrainë pas më shumë se një viti nga pushtimi.
Videoja u publikua nga Ministria e Mbrojtjes së Moskës ndërsa rusëve u bëhet thirrje që t’i lënë punët e tyre si civilë dhe t’i bashkohen ushtrisë.
Në video shfaqet një rojë supermarketi, një instruktor palestre dhe një shofer taksie, të gjithë (mesa duket) të mërzitur e zhgënjyer nga jeta civile dhe më pas gjejnë gëzim dhe një qëllim për të ndjekur pasi i bashkohen ushtrisë.
Po ashtu, qytetarëve u premtohet një rrogë mujore prej të paktën 204,000 rublash ($2,500), një shumë katër herë me lartë se paga mesatare në Rusi.
Çfarë nuk thonë reklamat?
Aktiviteti i rekrutimit ka të ngjarë të jetë nxitur nga nevoja e dëshpëruar e ushtrisë ruse për ushtarë të rinj pas më shumë se një viti luftimesh në Ukrainë.
Sipas dokumenteve të kalsifikuara të amerikanëve që u publikuan së fundmi, Pentagoni vlerëson se humbjet mes rusëve janë diku mes 189,500 dhe 223,000 viktima, me 35,500-43,000 burra të vrarë në aksion.
Në shtator 2022, presidenti Vladimir Putin njoftoi një “mobilizim të pjesshëm”, i cili kërkonte të rekrutonte ushtarë të rinj pavarësisht nëse ata donin të bashkoheshin me ushtrinë apo jo. Kjo lëvizje bëri që popullariteti i liderit rus të binte.
