Kandidati fitues i koalicionit “Bashkë Fitojmë” për Bashkinë e Himarës, Fredi Beleri u arrestuar një ditë para zgjedhjeve, pasi akuzohet se ka blerë vota.
Pavarësisht kësaj, Beleri edhe pse pas hekurave, arriti që të fitojë betejën për Bashkinë e Himarës.
Prokuroria e Vlorës i caktoi masën “arrest me burg”, ndërsa dosja e tij tanimë i ka kaluar Prokurorisë së Posaçme SPAK dhe pritet që të hënën Beleri të dalë para gjykatës.
Por çfarë ndodh me mandatin e tij në vazhdim?
Gjykata duhet të marrë vendim të formës së prerë për Belerin dhe më pas edhe Gjykata e Posaçme do duhet të marrë të njëjtin vendim të formës së prerë. Nëse Beleri del fajtor dhe dënohet, atij i hiqet mandati i kryebashkiakut.
“Ndryshe nga deklaratat, SPAK është e detyruar të zbatojë ligjin. Fillimisht ajo ka marrë në duar një dosje nga Prokuroria Vlorës, ku i ka kërkuar që Beleri dhe Pandeli Kokoveshi të vazhdojnë të hetohen në masën arrest me burg.
Prokurorët e Posaçëm janë të detyruar të shohin dosjen dhe më pas t’i drejtohen Gjykatës.
Prokuroria e ka të dokumentuar rastin e Fredi Belerit. Sa i takon mandatit, nga Gjykata duhet që vendimi të marrë formë të prerë, nëse Beleri del fajtor dhe më pas nëse edhe Gjykata e Posaçme jep të njëjtin vendim, atëherë Belerit i hiqet mandati i kryetarit të bashkisë” u shpreh Vija. /
