Eurodeputetja Viola von Cramon ka bërë thirrje që Serbia të lejojë kosovarët të kalojnë me letërnjoftime. Ky reagim i saj vjen pasi Serbia nuk lejoi sot të kalonin 300 kosovarë kufirin Serbi-Kroaci.
“Serbia duhet të ndalojë së turpëruari veten dhe menjëherë t’i lërë mbajtësit e letërnjoftimeve dhe pasaportave rë Kosovës të kalojnë kufirin Batrovci Serbi – Kroaci! Duhet të sigurohet liria e lëvizjes së të gjithëve, pa diskriminim në bazë të kombësisë”, ka thënë Von Cramon.
Reagimi i eurodeputetes erdhi pasi autobusë me pasagjerë nga Kosova mbetën të bllokuar në kufirin mes Serbisë dhe Kroacisë.
