Britania shënoi sërish një ditë të trishtë si pasojë e COVID-19.
Në 24 orët e fundit u regjistruan 761 viktima. Në total në të gjithë territorin numërohen 12,868 të vdekur si pasojë e pandemisë.
Qendra Spitalore Kombëtare njoftoi se 651 prej tyre u shënuan në Angli ndërsa pjesa tjetër u regjistruan në Skoci, Uells dhe Irlandën e Veriut.
Prej 4 ditësh në Britani, shifrat e viktimave kanë qenë poshtë 800, por gjithsesi ekspertët shprehen se ka pasur vështirësi në regjistrimin e tyre, ndaj ato mund të mos jenë 100 përqind të sakta.
Ndërsa numri i të infektuarve nga dita në ditë duket se ka pasur trend ulës. Në të gjithë territorin britanik numërohen 98,476 të infektuar.
