Britania e Madhe mund të ndihmojë vendet e Bashkimit Europian në furnizimin me vaksinat antiCovid-19, por vetëm nëse kjo nuk ndërhyn në udhërrëfyesin e qeverisë për të imunizuar popullsinë e mbretërisë, deklaroi ministrja e Tregtisë Ndërkombëtare, Liz Truss, siç raportohet nga ”The Guardian”.
Dje, nënsekretari i ngarkuar me vaksinat, Nadhim Zahawi, tha se ”Britania e Madhe po bën gjithçka për të ndihmuar Bashkimin Eueropian me furnizimet e vaksinave dhe do të vazhdojë ta bëjë këtë”.
Edhe Truss e përsëriti këtë koncept, por la të kuptohet se çdo dërgesë në Bashkimin Europian mund të mos ndodhë përpara se Britania e Madhe të ketë ofruar dozat e saj për të gjithë të rriturit në vend.
Më parë Downing Street kishte treguar se ndihma për vendet e BE do të ishte e mundur pas përfundimit të fazës së parë të programit britanik të vaksinimit./ATSH/
