Një numër rekord i njerëzve në Mbretërinë e Bashkuar po kërkojnë punë në bujqësi, sipas shifrave të publikuara nga agjencitë e kërkimit të punës.
Totaljobs thotë se ka parë 50,000 kërkime për punë bujqësore, vetëm në javën e kaluar, raporton BBC.
Steve Warnham nga Totaljobs tha se punëtorët “që janë zhvendosur përkohësisht për shkak të Covid-19, tani kërkojnë role në sektorë të tjerë”.
Mbretëria e Bashkuar përballet me mungesë të mbledhësve të frutave dhe perimeve, për shkak të kufizimeve të udhëtimit për punëtorët e huaj, transmeton BBC.
Totaljobs po ashtu thanë se kishte parë një rritje prej 83% të aplikacioneve për role bujqësore gjatë muajit të kaluar.
Ai shtoi se kërkimet për terma të tillë si “mbledhësi i frutave” ose “punëtori i fermës” ishin rritur përkatësisht 338% dhe 107%.
Të dhënat e ndara me BBC nga faqet e internetit të tjera të kërkimit të punës, sugjerojnë një prirje të ngjashme.
Indeed.co.uk tha që kishte pasur një nxitje të madhe në interes për punën e mbledhësve të frutave në veçanti. Midis 18 Marsit dhe 1 Prillit, pati një rritje prej më shumë se 6,000% në kërkimet për këto role në faqen e saj të internetit.
Ndërkohë, Monster tha se numri i përdoruesve në Mbretërinë e Bashkuar që kërkojnë punë “fermë” ose “punëtor ferme” ishte gati trefishuar në dy javët e fundit.
