Udhëtarët që po shpresonin për kthim nga Afrika në Britani janë bllokuar për shkak të mungesës së hoteleve që përdoren për karantinim, pasi Qeveria britanike e bëri të detyrueshëm izolimin pas kthimit. Shumë britanikë që udhëtuan për pushime, e kanë të pamundur të kthehen në shtëpi dhe mund të përballen me izolim për Kërshëndella shkaku i ashpërsimit të papritur të masave për udhëtarët që kthehen nga Afrika.
Ashpërsimi i masave të udhëtimit është bërë pas shpërthimit të variantit të ri të koronavirusit. Ashpërsimi i shpejtë i masave ka shtyrë që dhjetëra hotele të jenë të zënë nga udhëtarët e kthyer. Shumë prej britanikëve që po presin për një dhomë në hotelet e izolimit, kanë humbur mijëra funte, ndërkaq kanë kritikuar sistemin e dobët për rezervimin e hotelit.
Pas shfaqjes së variantit Omicron të koronavirusit, shtetet e Afrikës jugore janë vendosur në listën e kuqe të shteteve perëndimore. Për këtë arsye, Britania ka marrë vendim se të kthyerit duhet të izolohen për 14 ditë në hotelet e shndërruara si qendra të karantinës.
