Një britanik është arrestuar në Gjermani nën dyshimet se ka spiunuar për Rusinë.
Prokurorët federalë gjerman kanë thënë se emri i tij është David S dhe ka punuar për Ambasadën e Britanisë së Madhe në Berlin.
Ai akuzohet se i ka dhënë dokumente inteligjencës ruse, “së paku njëherë” në shkëmbim të një shume parash, vlera e së cilës nuk dihet.
Ai është arrestuar në Potsdam jashtë Berlinit të martën, ndërkaq shtëpia e tij është kontrolluar.
Një zëdhënës i Ministrisë së Punëve të Jashtme në Gjermani ka thënë se Berlini është duke e trajtuar shumë seriozisht këtë çështje duke thënë se “spiunimi nga një partner i ngushtë i aleancës në tokën gjermane është i papranueshëm”.
Arrestimi ka qenë rezultat i bashkëpunimit të hetimit mes Gjermanisë dhe Mbretërisë së Bashkuar.
