Britney Spears dhe partneri i saj Sam Asghari kanë ndarë lajmin se këngëtarja e pop-it ka abortuar në fazat e hershme të shtatzënisë. Spears zbuloi se ajo ishte shtatzënë me fëmijën e parë në prill, ndërsa këtë të shtunë ajo ndau lajmin e abortit.
“Me pikëllimin tonë më të thellë duhet të njoftojmë se kemi humbur fëmijën tonë “mrekulli” në fazën e hershme të shtatzënisë. Ky është një moment i hidhur për çdo prind.”
“Ndoshta duhet të kishim pritur dhe ta njoftonim shtatzëninë më vonë, por ishim tepër të emocionuar për të ndarë lajmin e mirë” ,shtoi ajo.
