Category: Albania

Policia e Tiranës ka reaguar në lidhje me shoqërimin në komisariat të Erik Fullanit, djali i ish-guvernatorit të Bankës së Shqipërisë, Ardian Fullanit, pasi i është gjetur një pistoletë me vete.

Blutë e kryeqytetit bëjnë me dije se atij i është vendosur 20 000 lekë të rinj, për shkak të xhamave të errësuar të automjetit. Pas shoqërimit në komisariat, arma që ai mbante me vete ka rezultuar me leje, pasi ai punon si bodyguard.

Kjo e fundit, është paksa për t’u habitur, pasi babai i tij rezulton si një nga njerëzit më të pasur në Shqipëri dhe ka nevojë vetë për “bodyguard” dhe jo të punojë djali i tij në atë punë.

Reagimi:

Në lidhje me një lajm të publikuar në portale, sipas të cilit pretendohet se në zonën e ish-Bllokut, është kapur me armë zjarri pistoletë, shtetasi E. F., ju sqarojmë se:

Ditën e sotme, rreth orës 10:45, shërbimet e Policisë kanë ndaluar për kontroll, në zonën e ish-Bllokut, automjetin me xhama të errësuar, me drejtues shtetasin E. F., 29 vjeç. Këtij shtetasi i është vendosur masa administrative 20 000 lekë të rinj, për xhamat e errësuar të automjetit.

Gjatë kontrollit fizik, shërbimet e Policisë i kanë gjetur një armë zjarri pistoletë 29-vjeçarit dhe për këtë arsye ai është shoqëruar në Komisariat, për verifikime të mëtejshme.

Pas verifikimeve ka rezultuar se arma që ai mbante ishte me leje dhe në vijim të veprimeve u bë njoftimi dhe dorëzimi i armës te drejtuesi teknik i firmës, ku ai punon (bodyguard), sipas procedurave përkatëse.

32-vjetori i rrëzimit të bustit të diktatorit Enver Hoxha e gjen Partinë Demokratike me thirrjen për një tjetër revolucion që synon largimin e asaj që opozita e cilëson regjimi i Edi Ramës. Në një deklaratë për mediat kreu demokrat Sali Berisha shprehu mirënjohjet për ata që kontribuuan në rënien e sistemit komunist si dhe premtoi se forca politike që ai drejton do të ridimensionojnë historinë e komunizmit.

 “Jam këtu para jush për t’u përulur me nderimin më të thellë, ndaj dhjetëra e dhjetëra e mijëra burra, grave dhe të rinjve, të moshuarve, martirëve të lirisë që ranë për t’u bërë të pavdekshëm në burgjet e përqendrimit të diktaturës komuniste. Në këtë kontekst garantoj se PD do bëjë gjithçka për një ridimensionim të plotë të të vërtetave historike të këtij vendi”, deklaroi ai.

Duke e quajtur kreun e qeverisë fatkeqësi kombëtare, Berisha e cilësoi 20 shkurtin e vitit 1991 frymëzim për betejën e nisur kundër kryeministrit Edi Rama. Pas deklaratës Berisha mblodhi në seli drejtuesit politik të PD ku foli për përgatitje të mosbindjes civile.

 “Por revolucioni paqësor nuk është vetëm revolucion i protestave paqësore. Është revolucion i mosbindjes civile para të gjithash. Ne duhet të përgatitemi. Mosbindja civile është element thelbësor i revolucionit paqësor. E ka thënë Mahatma Gandi: Është e shenjtë!”, ishin fjalët e tij.

Kreu demokrat ftoi qytetarët t’i bashkohen asaj që opozita e quan revolucion paqësor  duke u shprehur se është e vetmja mënyrë që të largohet qeveria Rama.

“Kur shoh vendin tim, që rrokulliset dhe shuhet në këtë mënyrë, secili duhet t’i shtrojë pyetjen vetes si mund ta shpëtojë? Mund ta shpëtojmë vetëm duke u bashkuar. Ky regjim nuk ikën ndryshe. Nëse ndonjë mendon se ky ikën me votë, personalisht nuk besoj se ikën me votë. Në 3 mars PD ka thirrur protestë kombëtare që sipas Berishës ka në fokus vetëm Edi Ramën. 

Shqipërisë nuk i kanë munguar lëvdatat e mediave të huaja, që lartësojnë bukuritë natyrore të vendit tonë dhe ftojnë turistët t`i shohin ato nga afër.

Por krahasimi i bërë së fundi nga Morgenpost ishte ndoshta më i paprituri e më i godituri nga të gjithë.

Prestigjozja gjermane nuk ngurron të heqë një paralele mes Shqipërisë dhe njërit prej vendeve më të bukura të botës, të konsideruara si parajsa mbi tokë: Maldivet.

Artikulli i plotë:

Ku të shkoni me pushime? Shumë njerëz në Gjermani ia bëjnë vetes këtë pyetje vit pas viti. Kemi një këshillë të brendshme: Shqipëria. Vendi ka jo vetëm peizazhe malore, liqene dhe qytete historike, por edhe plazhe të bukura në Detin Mesdhe. Termi “Maldives Evropiane” mund të gjendet shpesh në portalet e udhëtimit.

Pse Shqipëria? Torsten Schäfer nga Shoqata Gjermane e Udhëtimeve (DRV) shpjegon: “Shumica e gjermanëve i kalojnë pushimet e tyre mesdhetare në rajonet e njohura të Turqisë, Spanjës dhe Greqisë, ose në Shqipëri në Evropën Juglindore.”

Schäfer shton: Por ju duhet të dini se vendi nuk është ende aq i zhvilluar për turizmin dhe nuk është i lidhur me fluturime aq gjerësisht sa, për shembull, Mallorca. Prandaj është më i përshtatshëm për njerëzit që duan të eksplorojnë Shqipërinë individualisht. Por atje tani janë të shumta paketa dhe udhëtime vajtje-ardhje nga operatorët turistikë për vendin.

Ne kemi zgjedhur disa plazhe për ju që ia vlen t’i vizitoni.

Shqipëria ka gjithsej 427 kilometra vijë bregdetare, që kufizohet me detin Jon dhe detin Adriatik, që të dyja janë pjesë e Detit Mesdhe. Muajt ​​korrik dhe gusht, kur temperaturat janë rreth 30 gradë, rekomandohen si sezon udhëtimi. Më pas, uji ngrohet mjaftueshëm për të notuar.

Shqipëria befason me këto plazhe:

Plazhi i Borshit ndodhet në qytetin bregdetar me të njëjtin emër. Është shtatë kilometra i gjatë dhe ende nuk është zhvilluar për turizëm. Uji në detin Adriatik këtu është i pastër kristal.

Plazhi familjar me guralecë i Dhërmiut ndodhet në jug të vendit. Këtu tashmë ka një infrastrukturë të mirë turistike. Hotelet dhe kafenetë e plazhit janë në dispozicion. E shkëlqyeshme për të gjithë adhuruesit e muzikës elektronike: Një festival muzikor zhvillohet çdo vit në Dhërmi, këtë vit nga data 31 maj deri më 7 qershor 2023.

Jala është një vendpushim bregdetar në jug të Shqipërisë. Infrastruktura tani është e zhvilluar mirë. Plazhi i Jalës ndodhet në një gji të rrethuar me shkëmbinj. Uji pranë bregut është i cekët, duke e bërë atë të përshtatshëm për fëmijë dhe jonotarë. Edhe këtu uji është i pastër kristal.

Plazhi i Ksamilit është një nga pikat më të bukura në Shqipëri. Gjithashtu këtu: ujë kristal i pastër. Ka shezlong dhe cadra me qira.

Plazhi është një përzierje e guralecave dhe rërës. Janë tre ishuj më të vegjël në det të hapur që mund të vizitohen me varkë.

Guralecë të bardhë dhe ujë i pastër: Plazhi i Livadhit, pranë qytetit të vogël shqiptar të Himarës, ka gjithçka që ju nevojitet për pushime në plazh: sanitare, shezlone, çadra dhe restorante. Në sezonin e lartë këtu mund të jetë shumë e mbushur me njerëz.

Plazhi i Lukovës është një nga të paktët plazhe me rërë në jug të Shqipërisë. Është kaq piktoreske sepse pas saj ndodhen malet Cerauniane (maja më e lartë: Maja e Cikes në 2045 metra).

Qyteti port i Sarandës ndodhet pranë Ksamilit në Rivierën Shqiptare. Ka një plazh me guralecë me një hyrje të cekët në ujë. Deti është një ftesë për të gjithë zhytësit dhe zhytësit. Bare, restorante dhe krevat dielli me qira janë në dispozicion.

Shqipëri: çfarë të udhëtosh tjetër përveç plazheve?

Kryeqyteti Tirana: Qyteti më i madh në Shqipëri (më shumë se 400,000 banorë) magjeps me ndërtesat madhështore. Ka xhami të vjetra (duke përfshirë Xhaminë e famshme të Et’hem Beut), muzeume dhe monumente.

Alpet Shqiptare: Në veri të vendit do të gjeni malet më të larta, të cilat arrijnë deri në 2600 metra mbi nivelin e detit. Alpet atje janë pak ose pak të zhvilluara për turizëm. Ata ftojnë adhuruesit e ecjes dhe ecjes në turne të gjera.

Dhe ku ndodhet realisht Shqipëria? Vendi (rreth 2.8 milion banorë) ndodhet në Gadishullin Ballkanik në Evropën Juglindore. Në veri kufizohet me Malin e Zi dhe Kosovën, në lindje me Maqedoninë e Veriut dhe në jug me Greqinë.

Rastet e bllokimit të anijeve në portin e Durrësit, si dhe shkelja e embargos së Këshillit të Sigurimit të OKB-së është kthyer në një shqetësim serioz i cili po përsëritet, e kësaj here nga Shqipëria.

Njoftimi i policisë për sekuestrimin e 22500 ton naftë nga një anije me flamur Libian, por në të vërtetë me produkt që vjen nga Rusia, ka nxjerrë në pah të dhëna se si bëhet ky trafik.

Porositësi i naftës, sipas dokumenteve të siguruara nga A2 CNN, është kompania IBGAS AG, e regjistruar në zonën e lirë Porto Romano dhe nafta u shitet kompanive shqiptare. Autoritetet kanë nisur hetimet për thyerjen e embargos nga një grup kompanish, të cilat kanë marrë përsipër shpërndarjen e naftës ruse në Mesdhe, duke bërë dhe falsifikimin e certifikatave të origjinës në ujërat territoriale të Greqisë.

Sipas dokumenteve, mbrapa këtyre strukturave qëndron Socar Trading dhe Maddox nëpërmjet kompanive bija si Oil Mar Shipping dmcc nga (Dubai) Alkagesta nga (Malta) dhe Almedia nga (Turqi).

Vetëm tre ditë më parë, po i njëjti grup, Alkagesta, tentoi të çonte naftë ruse në Spanjë në portin e Tarragones, edhe ky një rast i bllokuar nga autoritete spanjolle. Alkagesta, së fundmi është regjistruar dhe në territorin shqiptar, në zonën e lirë në Porto Romano, ku ka dhe kod identifikimi pranë Doganës Tiranë dhe është pajisur me kontratë magazinimi.

Anija “Grace Felix”, që u bllokua nga kapiteneria e portit Durrës pasditen e së dielës, rezulton të ketë përdorur të njëjtën skemë. Nga gjurmimi i bërë nga autoritetet, kjo anije është furnizuar nga anija FIDAN, e cila me datë 20 janar është ngarkuar në portin e Novorossiysk, Rusi.

Sipas të dhënave satelitore, kjo anije ka bërë rrugëtimin dhe ka ardhur në gjirin e Lakonikos të Greqisë, ku ka furnizuar me naftë ruse anijen “Grace Felix” të bllokuara në Shqipëri. Grupi i këtyre kompanive, me ndihmën e agjentëve detarë që merrem me operacione ‘’nga anija në anije’’ në ujërat territorialë të Greqisë, pajisen me certifikata origjine të falsifikuara dhe të paautorizuara nga shteti grek. Ato ndryshojnë origjinën nga Rusia në vende të tjera, në kundërshtim me sanksionet e vendosura mbi produktet hidrokarbure. Këtyre sanksioneve ju është bashkuar edhe Shqipëria.

Tani Ibrahimi ishte njëri prej banorëve të rinj që u bënë pjesë e Big Brother VIP Albania rreth dy javë më parë.

I njohur për humorin e tij, aktori nga Shkodra ka qëndruar i heshtur duke mos u përfshirë në lojën e banorëve.

Megjithatë, ai herë pas here ka treguar histori nga jeta e tij personale duke zbuluar se është i martuar dhe ka tre fëmijë.

Por një rrëfim prekës ai e bëri mbrëmjen e kaluar (e diel) teksa po bisedonte me Oltën, Armaldon dhe Dean.

Tani zbuloi se para 10-të vitesh ka humbur të dy prindërit në një aksident me makinë, të cilën ai ishte duke e vozitur dhe ishte i vetmi që i shpëtoi tragjedisë.

“Nuk i kam prindër qe 10 vite, kam bërë aksident me makinë, prindërit e mi ishin pasagjerë ata kanë vdekur kam shpëtuar vetëm unë, ka ndodhur në vitin 2013, më preu rrugën një kamion, tabela thoshte 50 unë isha 100 kilometra në orë, ai bëri gabim të dyfishtë, kishim faj të dy palët”, ka treguar i prekur Tani.

Ndryshe, Tani ndonëse kishte imunitet dy javë bashkë me banorët e tjetër të ri, ata u bën të nominueshëm nga një lojë e caktuar nga “Vëllai i Madh” ku ata u hodhën në pishinë për të mbaruar kështu imunitetin.

Por, tre banorët e nominuar të kësaj jave janë Luizi, Kiara dhe Bledi Mane dhe njëri nga ta pritet të largohet nga shtëpia e famshme nesër (e martë).

TIRANË– Aktori Timo Flloko është takuar me shkrimtarin e madh Ismail Kadare. Të dy shihen të ulur në një kafene në kryeqytet dhe aktori nis të interpretojë vargjet e poezisë së Kadaresë, “Mall”. Shkrimtari shihet që e dëgjon me vëmendje.

Poezia ‘Mall’

Ca pika shiu ranë mbi qelq.
Për ty unë befas ndjeva mall.
Jetojmë të dy në një qytet,
Dhe rrallë shihemi, sa rrallë.

Edhe m’u duk pak e çuditshme
Si erdh kjo vjeshtë, ky mëngjes.
Qiejt e ngrysur pa lejlekë
Dhe shirat pa ylberë në mes.

Dhe thënia e vjetër e Heraklitit
Seç m’u kujtua sot për dreq
Të gjallët janë bashkë në botë,
Kurse të fjeturit janë veç ».

Në ç’ëndërr kemi rënë kaq keq,
Që dot s’po zgjohemi ne vallë?
Ca pika shiu ranë mbi qelq
Dhe unë për ty seç ndjeva mall

Shtrohet me urgjencë në QSUT mjeku i njohur Pëllumb Pipero.

Sipas mjekëve, Pipero thuhet se vuan nga insult cerebral Trombotik (Aksident Vaskular Celebral). Lajmi bëhet i ditur për BalkanWeb nga gazetari Mario Merhori.

Po ashtu mësohet se Pipero është shtruar në Neurokirurgjia.

Bashkimi Evropian ka njoftuar lëvrimin e mbështetjes urgjente në buxhetin e Shqipërisë të ndihmës për energjinë.

Shqipëria ka përfituar mbështetjen e Komisionit Evropian në vazhdim të deklarimit të Presidentes së Komisionit Evropian vitin e kaluar Von der Layen, së pari në takimin e Berlinit dhe më pas në Tiranë në takimin e liderëve evropianë me Ballkanin Perëndimor.

Nga 30 deri në 165 milionë euro mbështetje buxhetore brenda fondit 500 milionë të këstit të parë të ndihmës për energjinë nga Bashkimi Evropian, Shqipëria mbështetet me 80 milionë euro, në të njëjtën masë që mbështetet edhe Maqedonia e Veriut.

Shumën më të madhe të mbështetjes nga totali 500 milionë euro e ka përfituar Serbia, pak më tepër se dyfishi i Shqipërisë dhe Maqedonisë së Veriut, ndërkohë që Kosova mbështetet me 75 milionë euro. Shifrën më të ulët të mbështetjes në rajon e ka Mali i zi 30 milionë euro dhe pjesën e mbetur prej 70 milionë euro e ka përfituar Bosnjë-Hercegovina.

Përfshirja e Ballkanit Perëndimor në masat lehtësuese të BE për pasojat e krizës energjetike, është bërë sipas strukturave shtesë të ndihmës, në kushtet kur vendet e rajonit kanë nivele të ndryshme marrëdhënieje në anëtarësim me Bashkimin Evropian.