Një hallucinogen (substanca përgjegjëse për krijimin e haluçinacioneve), i gjetur tek kërpudhat, mund të funksionojë pozitivisht tek truri i njerëzve me depresion të thellë. Një gjë e tillë rrit shumë shpresat për një trajtim të suksesshëm kohë më vonë.
Në pak studime të kryera, 19 persona me probleme të shëndetit mendor morën një dozë të vogël nga një përbërës (psilocybin) i një lloj droge të quajtur psychdelic.
Shumica e pacientëve thanë se ndienin ndryshime të dukshme në trurin e tyre dhe depresioni nuk ishte më si më parë. Edhe më parë, ka patur studime se kjo substancë luan rolin e ‘lubrifikantit për trurin’ dhe lejon njerëzit të shkëputen nga rrethi i simptomave të depresionit.
Sipas kërkimeve të publikuara në Scientific Reports u arrit në përfundimin se psilocybin ndikon në 2 zonat kryesore të trurit.
Referuar gjithashtu një studimi britanik të realizuar vitet e fundit, kjo substancë e gjendur tek kërpudhat ka funksionuar pozitivisht në të njëjtën kohë kur barna të tjera kanë dështuar, duke i rritur shpresat miliona njerëzve në mbarë botën. Studimi, i kryer nga King’s College London në bashkëpunim me kompaninë Compass Pathëays, konsistoi në dhënien e psilocybin tek 89 pacientë të rritur. Në përfundim të tij, vullnetarët nuk patën asnjë efekt anësor serioz dhe shumica e tyre thanë se vunë re ndryshime të dukshme në humorin e tyre.
Deri më tani, mjekët tregojnë se pacientët janë gati për ta përdorur të gjithë këtë, por gjithsesi ende nevojiten studime më të detajuara, për të vërtetuar se një substancë e tillë mund të përdoret si kurë ndaj depresionit. Sipas të dhënave të Organizatës Botërore të Shëndetësisë, më shumë se 264 milionë njerëz vuajnë nga depresioni.
