Ditën e sotme Qeveria në Francë u rrëzua përmes një mocioni mosbesimi në Parlament.
Michel Barnier kishte ecur në një litar të ngushtë politik që kur u emërua kryeministër i Francës në shtator.
Sipas mediave të huaja, ish-negociatorit të Brexit-it 73-vjeçar iu dha kjo detyrë pas dy muajsh pasigurie politike në Francë, të shkaktuar nga zgjedhjet e parakohshme parlamentare jo bindëse, në të cilat asnjë parti nuk fitoi vende të mjaftueshme për të qeverisur më vete.
Prandaj, Barnier ishte në krye të një Asambleje Kombëtare të ndarë.
Këtë javë, ai vendosi të përdorë kompetenca të veçanta për të miratuar një pjesë të një buxheti jopopullor pa një votim përfundimtar në parlament, ku i mungonte mbështetja e shumicës.
Ky vendim zemëroi aleancën e krahut të majtë Fronti i Ri Popullor (NFP) dhe Tubimin Kombëtar (RN) i ekstremit të djathtë të Marine Le Pen, të cilët të dy paraqitën mocione mosbesimi ndaj tij.
Ligjvënësit francezë votuan 331 nga 574 në favor të rrëzimit të tij, me të majtën dhe të djathtën ekstreme të bashkuar për të rrëzuar qeverinë.
