Një grup kriminal që merrej me Kriptomonedha është shkatërruar nga Policoa e Shtetit, duke arrestuar 18 persona dhe 2 të tjerë janë shpallur në kërkim. Ata akuzohen për ‘fshehje të ardhurash’ dhe ‘ushtrimi pa licencë i veprimtarive financiare’. Njëri prej tyre ndodhet me masë ‘detyrim paraqitje’, i cili akuzohet për moskallëzim krimi.
Detajet e operacionit i dha në një konferencë për mediat, drejtoresha e krimit kibernetik, Ervina Gjana.
“Si rezultat i hetimeve është provuar se 18 shtetasit e arrestuar, individualisht ose me cilësinë e administratorëve të subjekteve ekonomike në Tiranë dhe në Shkodër, këmbenin monedha virtuale ne para dhe anasjelltas, pa qenë të pajisur me licencën e nevojshme për kryerjen e kësaj veprimtarie. Nga kontrollet e kryera në 32 ambiente, janë sekuestruar me cilësinë e provës materiale: 13 pajisje kompjuterike, 27 celularë dhe rreth 750.000 euro, që dyshohet se i shërbenin kësaj veprimtarie të jashtëligjshme”, tha Gjana.
Mësohet se 6 nga të arrestuarit janë pronarë të pikave të këmbimit valutor, të cilët thyenin kriptomonedhat, veprim ky në kundërshtim me ligjin.
Hetimet për këtë grup kriminal kishin nisur disa muaj më parë, me policisë dhe prokurorisë së kryeqytetit. Anëtarët e këtij grupi reklamonin në rrjetet sociale shkëmbimin e kruptomonedhave. Policia dhe Prokuroria janë duke vijuar hetimet për të zbuluar persona të tjerë të implikuar, të cilët kanë përdorur kriptomonedhat si mekanizma pagese nëpërmjet grupeve kriminale.
