Ethe frike tek Manchester City, në lidhje me merkaton e ardhshme. Kevin De Bruyne është lojtari i parë që sheh në rrezik qendrimin e tij pas vendimit të Uefa-s që ka përjashtuar Citizens nga kompeticionet europiane për dy vitet e ardhshme për shkak të thyerjes së rregullave mbi fair play financiar: “Dy vjet pa Champions do të jenë vërtetë të gjatë, nëse skualifikimi do të ishte për vetëm një vit mund ta mendoja, por dy janë shumë”.
Kampioni belg 29 vjecar, kontrata e të cilit me anglezët skadon në 2023 e ka shprehur qendrimin e tij pa lojëra fjalësh: “Po pres vendimin. Drejtuesit na kanë siguruar se do të bëjnë apelim, duke na shpjeguar se janë 100% të bindur se mund të arsyetojnë. Kam besim tek klubi im e pres vendimin, pastaj do të marr vendimin tim për të ardhmen”.
De Bruyne konfirmon edhe se ka marrë shumë oferta në vitet e kaluara, por është i lumtur tek City: “Jam i kënaqur: luaj në një nga skuadrat më të mira në botë, luaj në një nga kampionatet më kompetitivë e kjo më pëlqen. Të shohim cdo të ndodhë: edhe në transferimet e mëparshme kam qendruar i qetë. Nuk kam patur probleme e kam pritur momentin tim”. E nuk është ky momenti për rinovim: “Asnjë tratativë në vazhdim, nuk di cfarë do të ndodhë: tani është ndaluar gjithcka nga koronavirus, kur të përfundojë sezoni do të shohim nëse do të ketë një mundësi për të ardhmen. Tani nuk është momenti për ta menduar”.
