Distria Krasniqi e Laura Fazliu janë fituese të Ligës së Kampionëve për xhudiste. Dy xhudistet kosovare të shtunën ishin pjesë e Galatasarayt që e fitoi Ligën e Kampionëve, garën ekipore të mbajtur në Paris.
Distria e Laura në finale fituan me Ippon dhe ishin vendimtare në suksesin e skuadrës turke.
Në Ligën e Kampionëve paraqiten skuadrat më të suksesshme evropiane. Xhudistet kosovare ka kohë që vihen në shërbim të Galatasarayt, falë bashkëpunimit të shkëlqyeshëm mes Kosovës e Turqisë.
Galatasaray fillimisht fitoi ndaj skuadrës franceze, Orleans Loiret Judo Ju. Në gjysmëfinale e mposhti skuadrën spanjolle, Valencia.
Ndërsa në finale gjiganti turk ishte më i mirë se ekipi francez Champigny, favorit i garës elitare evropiane.