Katër persona u vranë dhe 14 të tjerë u plagosën në një sulm me armë gjatë një mbledhjeje familjare në Stockton të Kalifornisë së Veriut, të shtunën në mbrëmje.
Policia u njoftua pak para orës 18:00 për të shtëna ku menjëherë gjeti dhjetëra të qëlluar. Ngjarja ka ndodhur gjatë një feste ditëlindjeje për një fëmijë, ka bërë të ditur nënkryetari i qytetit, shkruan A2 CNN. Pamjet nga vendngjarja tregojnë zonën të rrethuar nga forcat e sigurisë, ndërsa ekipet hetimore punojnë për mbledhjen e provave.
Autoritetet amerikane nuk kanë dhënë ende informacione mbi autorin ose motivin e sulmit.
