Drejtuesit e BE nuk kanë arritur të bien dakord për një fond rigjenerimi prej 750 miliardë eurosh (676 miliardë pound; 840 miliardë dollarë) për krizën e koronavirusit, por Gjermania i quajti bisedimet “konstruktive”.
Kancelarja Angela Merkel tha: “Urat, që duhet të ndërtojmë janë të mëdha, është e vërtetë, por ishte një diskutim në një atmosferë shumë konstruktive”.
Disa vende të Evropës veriore kundërshtojnë planin për të paguar 500 miliardë euro në grante të BE-së. Në vend të kësaj ata insistojnë për kredi.
Italia dhe Spanja, vendet e goditura më keq nga Covid-19, do të merrnin paketat më të mëdha të ndihmës.
Ishte një samit i organizuar online, por bisedimet e mëtejshme në korrik, shpresohet se do të jenë ballë për ballë./BBC