Bashkimi Evropian do të duhet të riformohet pas largimit të Britanisë së Madhe nga blloku, deklaroi sot presidenti polak Andrzej Duda, gjatë konferencës së tij të përbashkët për shtyp me homologun e tij francez Emmanuel Macron.
“Nuk kemi asnjë dyshim që BE-ja do të duhet të marrë një formë tjetër. Largimi i Britanisë së Madhe nënkupton një hapje të re. Rolet në BE do të duhet të riorganizohen dhe arkitektura evropiane do të duhet të rindërtohet”, deklaroi Duda.
Ai shtoi së BE duhet të bëhet një mekanizëm efikas dhe tërheqës, në mënyrë që askush të mos dëshirojë të largohet nga blloku./ATSH/
