Një ngjarje e rëndë ka ndodhur në Përmet mbrëmjen e kësaj së shtune. Një i ri 24-vjeçar ka mbytur nënën e tij. 24-vjeçari i identifikuar si A.M., dyshohet se ishte në gjendje depresioni kur ka mbytur nënën.
Pasi kreu ngjarjen makabër, ai u arratis nga vendngjarja dhe u kap nga policia pak kohë më vonë. Sakaq, në vendngjarje ndodhet grupi hetimor dhe vijon puna për sqarimin e plotë të rrethanave të ngjarjes.
Policia e Përmetit/Informacion paraprak
Më datë 03.06.2023, rreth orës 21:00, në lagjen “Partizani”, Përmet, dyshohet se në gjendje depresive, shtetasi A. M., 24 vjeç, ka mbytur nënën e tij, shtetasen Z. M., 65 vjeçe.
Shërbimet e Policisë, menjëherë pas marrjes së njoftimit janë vënë në ndjekje të autorit dhe kanë bërë të mundur kapjen dhe shoqërimin e tij në ambientet e Komisariatit të Policisë Përmet, për kryerjen e veprimeve të mëtejshme.
Në vendngjarje ndodhet grupi hetimor dhe nën drejtimin e Prokurorisë vijon puna për sqarimin e plotë të rrethanave të ngjarjes.
