Një ngjarje e rëndë është regjistruar në vendin e quajtur “Nënstacioni i Selitës”, ku shtetasi M.M. ka njoftuar policinë se ka gjetur të pajetë gjyshërit e tij.
Policia dhe ambulanca shkuan në vendngjarje ku kanë gjetur pa shenja jete S. M., 80 vjeç, dhe A. M., 80 vjeç.
Shtetasi S. M. dyshohet se është vetëvarur ndërsa shtetasja A. M., është gjetur pa ndjenja dhe ka ndërrua jetë rrugës për në spital.
Grupi hetimor ndodhet në vendngjarje dhe po punon për sqarimin e rrethanave të ngjarjes.
