Eksportet e Kinës janë rritur në 60.6% në dy muajt e parë të vitit 2021, rritja më e madhe në dy dekadat e fundit.
Eksportet elektronike dhe tekstile të tilla si maskat kontribuuan në rritjen e eksportit, pasi kërkesa për furnizime nga shtëpia dhe për pajisje mbrojtëse kundër shpërthimit të virusit u rritën gjatë pandemisë, njofton The Guardian.
Eksportet u rritën në 468.9 miliardë dollarë, treguan të dhënat e doganave kineze të dielën, që është dyfishi i rritjes së pritur nga parashikuesit. Në dhjetor, eksporti kinez ishte në 18.1%. Importet u rritën me 22.2% në 365.6 miliardë dollarë, krahasuar me dhjetorin që ishte 6.5%.
Eksportuesit përfituan nga rihapja relativisht e hershme e ekonomisë së Kinës pasi Partia Komuniste në pushtet deklaroi fitoren mbi pandeminë marsin e kaluar ndërsa konkurrentët e saj në treg ende përballen me kontrolle anti-virus.
Analistët kanë thënë se rritja e eksportit kinez duhet të ngadalësohet ndërsa kërkesa për maska dhe pajisje të tjera mjekësore të lehtësohet dhe konkurrentët e tjerë të Kinës të kthehen në tregjet globale. Zyrtarët e tregtisë kanë paralajmëruar se situata globale është akoma “e rëndë dhe komplekse”.
