Këngëtarja dhe aktorja me famë botërore, Jennifer Lopez, është parë këto ditë në ‘humorin’ e saj më të keq, teksa ka qenë e shoqëruar nga bashkëshorti i saj Ben Affleck.
Madje së fundmi, ylli i muzikës ka bërë një gjest aspak të këndshëm, i cili ka revoltuar shumë fansat dhe është kritikuar nga shumë të tjerë.
Teksa po shkonte në ‘MC Donalds’ me Affleck, Lopez iu ka drejtuar nga xhami i makinës gishtin e mesit paparacëve.
Këngëtarja në pamje të parë dukej shumë e lodhur e gjëja e fundit që donte të shihte ishin paparacët të cilët ajo i ‘përshëndeti’ në një formë aspak mikpritëse.
Menjëherë shumë e kritikuan për këtë gjest aspak të bukur, por kishte edhe të tjerë që e mbrojtën aktoren. Sipas tyre, Jennifer Lopez ka nevojë për privatësinë e saj.
Megjithatë vlen të theksojmë se së fundmi këngëtaren nuk e kemi parë në formën e saj më të mirë.
