Një automjet Tesla ka shtuar papritur shpejtësinë në mënyrë të pakontrolluar dhe është përplasur në një kryqëzim hekurudhor në perëndim të Vankuver duke përfunduar e shkatërruar.
Disa agjenci shtetërore që kanë hetuar incidente të ngjashme të humbjes së kontrollit të makinave Tesla me “përshpejtim të papritur”, thonë se hetimet janë në vijim.
Sipas North Shore News, u tha se makina kishte shtuar shpejtësinë papritur dhe u përplas me shpejtësi me ngritjen e ndarjes hekurudhore, duke u ndarë në dy pjesë. Shoferi dhe pasagjeri në makinë kishin shpëtuar pa marrë plagë kërcënuese për jetën.
Megjithse arsyeja e përshpejtimit të papritur është e paditur, policia tha se po shikon për një problem të mundshëm teknik, ose një gabim të shoferit.
Por ky nuk është rasti i parë i problemeve të tilla me këtë tip makinash pasi administrata kanadeze ka hapur një hetim të veçantë për humbje të papritur të kontrollit të automjeteve elektrike, disa prej të cilave i janë atribuuar gabimeve të shoferit.
