Prej disa minutash në qarkun e Kukësit kanë filluar reshje të dendura shiu dhe breshëri.
Raportohet se si pasojë e reshjeve janë shuar të gjitha vatrat e zjarrit në këtë qark, të cilat shkaktuan dëme të mëdha.
Nga zjarri aktiv prej disa ditësh, u dogjën rreth 2 mijë hektarë pyje e kullota.
Situata më problematike u paraqit mbi tunelin e Kalimashit, ku flakët u përhapën me shpejtësi duke rrezikuar hyrjen në tunel, por falë ndihmës dhe mbështetjes së Forcave të Sigurisë së Kosovës, u bë e mundur shuarja dhe izolimi i plotë i flakëve masive.
Ndërkohë reshje shiu masive dhe breshëri kanë filluar edhe në Suharekë, të cilat do të vazhdojnë edhe gjatë ditës së nesërme.
