Autoritetet franceze kanë thënë se nuk pranojnë një shtyrje tjetërtë të Brexit-it pas datës 31 tetor, në kohën kur në Britani të Madhe ka bllokadë politike për marrëveshjen e negociuar nga kryeministrja Theresa May.
Paralajmërimi i dhënë nga zyrtar i lartë francez erdhi në kohën kur presidenti i Këshillit Evropian, Donald Tusk, tha se ka gjasa të arsyeshme që Brexit-i të anulohet.
“Nuk duhet të sharrojmë në shtyrje të përsëritura, kjo është e sigurt”, tha një këshilltar i presidentit francez të premten dhe shtoi se “porosia jonë është e qartë, një zgjidhje duhet të bëhet deri më 31 tetor”.
Si anëtar i BE-së, Franca e ka të drejtën e vetos për shtyrjen e Nenit 50. Më herët gjatë këtij viti, presidenti francez kishte kërkuar një shtyrje më të shkurtër, por në fund kishte vendosur të pajtohet me datën e caktuar nga shtetet tjera, shkruan “Independent”.
