UK
Grupimet ‘radikale’ anti-taksa fitojnë popullaritet në Britani
Anëtarët e grupit britanik Sovereign Project (Projekti i sovranintetit) janë çuditërisht të sjellshëm e të durueshëm për të shpjeguar pikëpamjen e tyre të refuzimit të taksave dhe të tjera politikave të qeverisë pa konsultim me popullin, edhe pse për shumë kjo mund të quhet ‘radikale’.
“Nëse je ‘anëtar’ apo ‘qytetar’ i diçkaje ti e ke pranuar anëtarësinë dhe autoritetin e dikujt tjetër ndaj teje”, thotë kreu i lëvizjes Pete Stone, duke shtuar se kjo do të thotë se ke hyrë në ligjin tregtar detar ‘maritime law’ dhe ke pranuar ‘kontratën me autoritetin’.
Megjithëse këto nuk janë argumentet standarde që jemi mësuar të dëgjojmë në një bisedë ligjore, bëhet gjithnjë e më e qartë se këtu po më prezantohet një mënyrë e pazakontë e shikimit të realitetit, shkruan gazetari i Sky News për takimin.
Në një librari në Leicestershire ata intervistojnë Pete Stone, i njohur ndryshe si ‘Sovereign Pete’ (Piteri Sovran) që tashmë ka 20,000 britanikë të abonuar, të cilët janë anëtarë të Projektit Sovran, iniciativë e themeluar nga vete Stone në 2020.
Grupimet po i shkaktojnë probleme zyrtarëve lokalë në Britani me sfidat ligjore që u paraqesin për të justifikuar taksa ose detyrime të tjera të vendosura nga qeveria.
Argumenti i tyre kryesor është se “askush nuk është i detyruar të paguajë diçka për të cilën nuk është pyetur, ose nuk është pranuar e nënshkruar nga të dyja palët”.
Ata fokusohen në detyrimin për të paguar taksat, siç e artikulon zoti Stone, duke iu referuar sistemit feudal të Mesjetës:
“A e mbani mend sistemin feudal kur njerëzit ishin skllevër dhe detyroheshin të paguanin taksa? Kështu që vetëm nëse ai sistem është në fuqi në Britani edhe sot, njerëzit janë skllevër e shërbëtorë dhe duhet të paguajnë taksa. E vetmja mënyrë për të paguar është të kesh një kontratë, të kesh pranuar të paguash”, thotë Pete Stone.
Një tjetër anëtar, ndërtuesi 43-vjeçar Karl Deans i cili merret me rrjetet sociale të organizatës, thotë: “Ne nuk jemi këtu për të shmangur taksat.”
Qeveritë lokale janë objektivi kryesor i organizatës për kërkesat e tyre të taksave, të cilat zoti Stone i quan “krime të punonjësve bashkiakë”.
Provat në Britani sugjerojnë se çështja po kthehet në problem për bashkitë britanike që nuk dinë saktësisht si të argumentojnë në këtë rast.
Rrjeti Sky News thotë se nga 374 bashki në Britani, të paktën 172 (46%) kanë hapur faqe për t’iu përgjigjur qytetarëve sovranë që kërkojnë të shmangin taksat e banesës.
Por grupi ‘Sovereign Project’ dukjet se nuk ndalet me kaq. Ai është thellësisht anti-stabiliment, dhe ndoshta ‘konspirativ’, teksa Stone sugjeron se trazirat e verës janë organizuar nga vetë qeveria, shkruan rrjeti Sky News.
“Vllazëria sovrate operon përmbi të gjithë këtë, ne e shikojmë botën si një fushë shahu, ne e kuptojmë atë që po ndodh”, thotë Stone duke shtuar se qeveria britnaike nuk është në fakt në kontroll të vendit, por ka një qeveri të fshehtë mbi ta.
“Ata janë njerëzit që kontrollojnë qeveritë. Shumë njerëz thonë se janë ende këshilli i 13 familjeve të vjetra italiane që kanë krijuar fillimisht bankat,” thotë Stone.
Profesoresha Christine Sarteschi, e Chatham University, Pittsburgh, SHBA, thotë se është e shqetësuar për rrezikun e ideve të qytetarëve sovranë sidomos në SHBA ku armët janë të lirshme.
“Kjo lëvizje po rritet dhe duke u përhapur në vende të ndryshme mund të nisë të kryejë akte dhune.”
“Sovranët i besojnë vërtet idetë e tyre dhe nëse mendojnë se ofendohen nga të tjerët kur mendojnë se dikush kërkon t’i shtypë apo kontrollojë .. mund të përfshihen emocionalisht”, tha Sartchi.
Por anëtarët e Projektit Sovran i shpjegojnë me durim botëkuptimin pikëpamjet e tyre dhe sado radikale që është, popullatitetii tyre po rritet në Britani, shkruan rrjeti SkyNews.
UK
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
Nëse po udhëtoni në Mbretërinë e Bashkuar, duke nisur nga kjo javë, do t’ju duhet të aplikoni në internet për një autorizim udhëtimi përpara se të niseni.
Duke filluar nga e mërkura, Mbretëria e Bashkuar do t’u kërkojë qytetarëve amerikanë, kanadezë dhe shtetasve nga më shumë vende të tjera që të kenë një autorizim elektronik udhëtimi, ose ETA.
ETA është një paraautorizim për udhëtarët nga vendet ku Mbretëria e Bashkuar nuk kërkon viza. Britania filloi programin në vitin 2024 për vizitorët nga Bahreini, Kuvajti, Omani, Katari, Arabia Saudite dhe Emiratet e Bashkuara Arabe. Ndërsa tani, ai hyn në fuqi për shumë vende të tjera.
Shtetet e Bashkuara kanë kërkesa të ngjashme për shtetasit nga vendet e Bashkimit Evropian, Britania e Madhe dhe vende të tjera, që nuk u kërkohet të kenë vizë për të hyrë. Më vonë në vitin 2025, vendet e BE-së do t’u kërkojnë shtetasve amerikanë dhe atyre nga vende të tjera kritere të tilla.
Qytetarët nuk kanë nevojë për një ETA nëse kanë vizë dhe janë të autorizuar të jetojnë, punojnë ose studiojnë në Mbretërinë e Bashkuar.
Aplikimi bëhet në internet duke përdorur aplikacionin ETA të Mbretërisë së Bashkuar për Android dhe iPhone dhe kushton 10 paund. Autorizimi vlen për dy vjet dhe për vizita deri në gjashtë muaj. Tarifa paguhet me kartë krediti.
Udhëtarët do të duhet të ngarkojnë fotografi të pasaportës së tyre dhe të tyre për të aplikuar. Gjithashtu, atyre do t’u duhet autorizimi edhe nëse bëjnë udhëtim në një vend tjetër, por me ndalesë në një aeroport në Mbretërinë e Bashkuar.
Qytetarë që kishin planifikuar të udhëtonin sot nga Londra drejt Tiranës me kompaninë ajrore “Wizz Air” kanë denoncuar sërish mungesë serioziteti dhe kompetence nga ana e kësaj kompanie.
Sipas denoncuesve, pas imbarkimit dhe hyrjes në avion, ata janë detyruar të zbresin sërish me arsyetimin se në kontenier ishte ndezur një sinjal paralajmërues.
Pas zbritjes, udhëtarët janë përballur me orë të tëra pritjeje pa asnjë informacion të qartë, ndërsa i vetmi shpjegim i dhënë nga kompania ka qenë se ekziston një problem teknik.
Qytetarët kërkojnë reagim të menjëhershëm dhe nisjen sa më shpejt drejt destinacionit të tyre, ku i presin familjarët për t’u bashkuar me festat. Ata theksojnë se kjo nuk është hera e parë që hasin probleme me këtë kompani ajrore.
“Wizz Air” është shpeshherë objekt ankesash për vonesa të shumta, anulime në momentet e fundit dhe mungesë komunikimi apo përgjigjeje ndaj udhëtarëve.
Pas 58000 kilometrash ecje rreth botës, ish-parashutisti është pothuajse në shtëpi në Hull… 27 vite më vonë.
Ai ishte i burgosur në Panama, i shpëtoi për fije dëbimit nga Rusia dhe u është shmangur bandave të drogës në Amerikën Qendrore.
Por ish-ushtari britanik i njësive parashutiste Karl Bushby i frikësohet faktit se odiseja e tij 27-vjeçare – rrugëtimi në këmbë nga Kili drejt shtëpisë – mund të dështojë pikërisht në Tunelin e La Manshit.
Atij mund t’i duhet të kthehet me not në Britaninë e Madhe nëse dëshiron të përmbushë qëllimin e tij: të udhëtojë nga Amerika e Jugut deri në vendlindjen e tij, Hull, pa përdorur asnjë mjet transporti.
Bushby, tani 56 vjeç, u nis nga Kili në vitin 1998 duke besuar se ekspedita e tij do zgjaste 12 vjet.
Gjeopolitika, lufta dhe problemet me vizat e ngadalësuan progresin e tij, por 58 mijë kilometra më vonë – përfshirë ecjen përgjatë gjithë Amerikës së Veriut – ai tani ndodhet në Hungari dhe pret të kalojë Kanalin e La Manshit në tetor të vitit të ardhshëm.
Megjithatë, Bushby është i shqetësuar se mund t’i hidhet poshtë leja për të ecur përmes tunelit të shërbimit të Eurostar-it. Kjo është mundësia e parapëlqyer që do t’i lejonte atij t’i përmbahej rregullit që i vuri vetes: të mos përdorë asnjë transport të mekanizuar, përfshirë tragetet. Por, nëse do t’i duhet, ai mund ta kalojë me not.
Kjo nuk do ishte hera e parë që ai sfidon ujin. Në gusht të vitit të kaluar, ai notoi më shumë se 270 kilometra në 31 ditë përgjatë Detit Kaspik për të shmangur hyrjen në Iran ose Rusi.
Udhëtimi i tij e ka përballur gjithashtu me bandat në “Darien Gap” në Amerikën e Jugut, ka kaluar Ngushticën e ngrirë të Beringut dhe ka kaluar 18 ditë në burg në Panamá pasi kaloi kufirin nga Kolumbia, i cili ishte mbyllur për shkak të konfliktit.
Rusia ishte veçanërisht e vështirë. Ai për pak u dëbua në vitin 2006 pasi nuk kishte hyrë përmes një pike kufitare të saktë.
Dhe në vitin 2013, ai bëri një shmangie drejt SHBA-së për të protestuar kundër ndalimit të vizës, duke ecur nga bregu perëndimor deri te ambasada ruse në bregun lindor. Vetëm në vitin 2017 ai mundi të rifillonte udhëtimin e tij dhe të kalonte në Mongoli.
Kur të mbërrijë përfundimisht në pragun e shtëpisë së nënës së tij në Hull, Bushby do përballet me një sfidë të re – të vendosë se çfarë do të bëjë më pas.
Ai tha: “Është paksa frikësuese. Si çdokush që ka pasur një karrierë të gjatë, është dita e daljes në pension. Qëllimi i jetës sime për 27 vitet e fundit thjesht do ndalojë vërtet menjëherë.”
“Mendoj se duhet të gjej diçka për t’u marrë. Nuk dua të rri kot. Duhet të rritem dhe të gjej një punë, kjo është e kotë. Por do ta zgjidhim.”
Tuneli i shërbimit shtrihet midis dy linjave hekurudhore të Eurostar-it dhe përdoret për mirëmbajtje dhe evakuimin e pasagjerëve në rast urgjence. Për ta përdorur atë duhet siguruar leje e posaçme.
Çiklisti britanik Chris Froome u bë personi i parë që kaloi me biçikletë përmes tunelit në vitin 2014, ndërsa Lance Dyer, një afrikano-jugor, kaloi përmes tij ilegalisht në vitin 2005 me shapka. Ai u arrestua nga policia franceze.
Bushby tha: “Nuk kemi kontaktuar ende zyrtarisht për të marrë lejen, e kam letrën gati, thjesht duhet të gjej kontaktin e duhur. Marrja e lejes…nuk e di sa e vështirë mund të jetë. Jam optimist, por do ta shohim.”
Ai bëri shaka: “Alternativa e parë do të ishte të merrja pengje. Dhe e fundit, të notoja.”
10 shpikjet “Hi-Tech” më të bujshme të 2025-ës që po ndryshojnë botën
Presidenti i Kinës mban fjalimin e fundvitit: Në 2026-ën zotohem të bashkohemi me Tajvanin
Vizitorët, tarifë për të hyrë në Britani – Shtetasit që udhëtojnë pa viza duhet të aplikojnë për autorizim
”Kalaja” e pamposhtur, Arsenali pa humbje në ”Emirates” në pjesën e parë të sezonit
Zgjedhjet në Kosovë, minus 52 mijë vota, si shpjegohet rënia e LDK-së?
Ambasada e SHBA në Tiranë u uron shqiptarëve Vitin e Ri: Të forcojmë partneritetin tonë!
“Gjermania po plaket!”, Merz u drejtohet qytetarëve: 2026-a është një pikë kthese për kombin tonë
“Wizz Air” le në mëshirë të fatit pasagjerët e linjës Londër-Tiranë
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
“Wizz Air” le në mëshirë të fatit pasagjerët e linjës Londër-Tiranë
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Britania marrëveshje me Angolën dhe Namibinë për kthimin e emigrantëve
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 hours ago“Wizz Air” le në mëshirë të fatit pasagjerët e linjës Londër-Tiranë
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK21 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë