Sot është mbajtur një akademinë përkujtimore në nderim të dëshmorëve të rënë 20 vite më parë në masakrën e Reçakut.
Kryetari i Kuvendit të Kosovës, Kadri Veseli u shpreh se Reçaku është sinonim i fatit të kombit, pavarësisë dhe lirisë sonë, ku “20 vite më parë, dhembjen e kemi kthyer në guxim për liri, ëndrra që janë flijuar dëshmorët e Reçakut është bërë realitet”.
Ndërsa, në lidhje me dialogun me Serbinë, u shpreh se sfida me ta kërkon ballafaqim në mënyrë që të jenë të bashkuar dhe sipas tij nuk duhet të ketë grindje të brendshme mes partive politike, pasi sovraniteti i shtetit është i pa cenueshëm.
Kurse kryeministri i Kosovës, Ramush Haradianj duke përkujtuar masakrën e Reçakut, tha se është shumë e vështirë përkujtimi i kësaj masakre dhe kërkoi që për këtë masakër duhet të bëhen një Tribunal Special në Hagë për Serbinë.
Ndërsa duke folur për Gjykatën Speciale, tha se miqtë ndërkombëtarë po e rëndojnë Kosovën me gjëra të tilla, pasi masakra e Reçakut dëshmon se kush ka kryer krime.
Kryetari i Komunës së Shtimes, Naim Ismajli tha se masakra e Reçakut është një dhimbje e madhe, mirëpo siç thotë ai vetëm në këtë mënyrë ata do të përkujtohen gjithmonë dhe data 15 janar i vitit 1999 do të mbetet dita e pavdekësisë.
