Një 45-vjeçare vdiq me vdekje të tmerrshme në Paris , kur palltoja e saj u kap në dyert e metrosë në stacionin Bel Air.
Sipas BFM TV, ngjarja tragjike ka ndodhur pasditen e së shtunës (22/4) kur dyert e trenit u mbyllën teksa gruaja po zbriste duke i kapur pallton. Treni filloi ta tërhiqte zvarrë drejt vdekjes.
Në fakt, sipas të njëjtave informacione, të pranishëm kanë qenë bashkëshorti dhe djali i gruas. Trafiku në linjën gjashtë të metrosë së Parisit u ndërpre për disa orë.
Shërbimet e urgjencës kanë mbërritur menjëherë në vendngjarje, por 45-vjeçarja kishte dhënë frymën e fundit.
“Në kuadër të këtij hetimi do të bëhet padi”, tha avokati i familjes. Familja dëshiron me gjithë zemër që të zbardhet rrethanat e vdekjes së viktimës, të zbulohen mangësitë e mundshme dhe nëse është e nevojshme të caktohen përgjegjësi”, shtoi ai.
Autoritetet po kryejnë hetime për rrethanat në të cilat ndodhi tragjedia.
