Erion Veliaj do të përballet me drejtësinë në detyrë si kryetar bashkie, apo si i shkarkuar nga Rama?” Është kjo pyetja që ngre kryetarja e Lëvizjes Socialiste për Integrim Monika Kryemadhi e cila denoncon një pjesë të zinxhirit kriminal të shtetit shqiptar të përfshirë në aferën korruptive të incineratorëve.
Lëvizja Socialiste për Integrim vijon denoncimet ndaj zyrtarëve të lartë të përfshirë në skandalin e aferave korruptive me incineratorët.
Kryetarja e LSI-së Monika Kryemadhi, deklaron se pas Lefter Kokës, zyrtari i radhës që do të përballet me drejtësinë do jetë kryetari i Bashkisë së Tiranës, Erion Veliaj, lidhur me incineratorin e Tiranës.
Përmes një videoje të publikuar në faqen e saj zyrtare në rrjetin social ‘Facebook’, Kryemadhi denoncon zinxhirin e bashkëpunimit të shtetit shqiptar, sipas saj të përfshirë në këtë aferë, ndërsa shton se konkretisht bëhet fjalë për rolin e kryebashkiakut Erion Veliaj, i cili do të përballet me drejtësinë.
Sipas dokumenteve të publikuara nga kryetarja e LSI-së, kryetari i Bashkisë Erion Veliaj duhet të merrte miratimin nga Këshilli i Bashkisë Tiranë përpara aprovimit të financimit. Erion Veliaj, thotë LSI, ka firmosur me dorën dhe kokën e tij 91 milionë euro pagesa për incineratorin për 30 vjet.
Edhe pse ministria e financave ka kërkuar miratimin nga qarku Tiranë, e aprovon këtë projekt vetëm me miratimin e kryetarit të bashkisë Erion Veliaj.
Ndërsa shton se dilema e kësaj përballjeje do të jetë si kryetar në detyrë i Bashkisë apo si kryebashkiak i shkarkuar nga Edi Rama.
